ලබුගම කලටුවාව වන රක්ෂිතයට අයත් භූමියේ පිහිටි කුඩාගස් ගොඩනැඟිලි ඉදිකිරීමට ගන්නා මුක්කු ලෙස කැපීම හේතුවෙන් රක්ෂිතයට බරපතළ හානි සිදුවීමේ අවදානමක් මතුව ඇත.අක්කර පන්දහස් දෙසිය පනහකින් පමණ සමන්විත මෙහි ශාක අනවසරෙන් කැපීම කලක සිට හොර රහසේ සිදුවේ. මේ නිසා වනාන්තරයේ පිහිටි යටි වගාව ද විනාශ වී යෑමේ තත්ත්වයක් උද්ගතව ඇත.
කොළඹ දිස්ත්රික්කයේ පාදුක්ක හා හංවැල්ල ප්රාදේශීය ලේකම් කොට්ඨාස දෙකටත්, රත්නපුර දිස්ත්රික්කයේ ඇහැළියගොඩ ප්රාදේශීය ලේකම් කොට්ඨාසයටත් මෙම රක්ෂිතය අයත් වේ.
කරදන, දබෝර, ඉලුක්ඕවිට, කලටුවාව, මාරඹේ, ගැටහැත්ත, අඹගස්යාය, කරගස්ඇල්ල, කළු ඇදුර , හේවාහින්න, දුංකළහේන, කොස්වත්ත, කැටේමාවර, පඤ්ඥාගුල, ලබුගම, වග, උඩගම, ගුරුලාන, තුම්මෝදර, බොරළුවතැන්න යන ගම්මාන මෙම රක්ෂිතයට මායිම්ව පිහිටා ඇත.කළු ගඟ හා කැලණි ගඟ අතර කලාපයේ දැනට ඉතිරිව ඇති පහත රට තෙත් කලාපීය විශාලතම වනාන්තරය මෙය වේ. මෙයට ආවේනික භූගෝලීය පිහිටීම නිසා මෙහි ජෛව විවිධත්වයේ අගය ඉතා විශාලය.
අවුරුදු එකසිය විසිපහකට වැඩි ඉතිහාසයක් ඇති කලටුවාව ජලාශයත් ඉන්පසුව ඉදිවුන ලබුගම ජලාශයත් මෙම රක්ෂිතයේ පිහිටා ඇත.
No comments:
Post a Comment