ප්රමෝද් ශ්යාමල් -තංගල්ල අතිරේක
හම්බන්තොට සාමෝදාගම ප්රදේශයේදී ඉකුත් 13 වැනිදා සවස 6.30 ට පමණ වල් අලියකු පහරදී 13 හැවිරිදි පාසල් සිසුවකු මියගොස් ඇතැයි හම්බන්තොට පොලිසිය පවසයි.
සාමෝදාගම තමරකෝන් වැව අසලදී තම වගාවට දැමීම සඳහා ගොම එකතු කරමින් සිටි සිසුවාට අලියා පහරදී ඇතැයි පොලිසිය කියයි. මියගිය දරුවා අංක 12, සාමෝදාගම හම්බන්තොට ලිපිනයේ පදිංචිව සිටි ඩී.ජී.දුෂාන්ත මධුශාන් නමැති 8 වසරේ ඉගෙනුම ලබන ශිෂ්යයෙකි.
මළ සිරුර හම්බන්තොට මහ රෝහලේ මෘත ශරීරාගාරයෙහි තබා ඇත. මරණ පරීක්ෂණය 14 දා පැවැත්වීමට නියමිතව තිබිණි.
හම්බන්තොට පොලිසිය සිද්ධිය පිළිබඳ වැඩිදුර පරීක්ෂණ පවත්වයි.
http://www.divaina.com/2012/01/16/news04.html
No comments:
Post a Comment