ශ්‍යාම් නුවන් ගනේවත්ත
ලබන වසරේදී (2012) සියලු අමාත්‍යාංශ වියදම් සීමා කිරීමට රජය තීරණය කර ඇත.
රාජ්‍ය වියදම් කාර්යක්‍ෂම කර ගැනීම සඳහා අයවැය මගින් මෙම තීරණය ගෙන තිබේ. ඒ අනුව සියලු අමාත්‍යාංශ වෙත වෙන් කරන ලද එදිනෙදා වියදම්වලින් (පුනරාවර්තන වියදම්) සියයට දෙකක්‌ ද ප්‍රාග්ධන වියදම්වලින් සියයට නවයක්‌ද ඉතිරි කරගන්නා ලෙස උපදෙස්‌ දී ඇත.
මෙලෙස වියදම් සීමාකර ගැනීම මගින් රුපියල් කෝටි 6,692 ක පමණ මුදලක්‌ ඉතිරිකර ගැනීමට රජය අපේක්‍ෂා කරයි.
රුපියල් කෝටි 2,215 ක මුදලක්‌ පුනරාවර්තන වියදම් මගින්ද රුපියල් කෝටි 4,477 ක මුදලක්‌ ප්‍රාග්ධන වියදම් මගින් ද ඉතිරිකර ගැනීමට බලාපොරොත්තු වේ.
මීට අමතරව ලබන වසරේදී (2012) පාර්ලිමේන්තුව අනුමත කළ සමස්‌ත වියදම් සීමාව තුළ පරිපූරක ඇස්‌තමේන්තු අවම කරමින් අයවැය කළමනාකරණය කර ගැනීමටද රජය සැලසුම් කර ඇත.
http://www.divaina.com/2011/11/27/news02.html
No comments:
Post a Comment