බෝනොවන රෝගවලින් දිනකට 37ක් මියයති

හේතුව ශරීරයට අවශ්‍ය ව්‍යායාම නොලැබිම

බෝ නොවන රෝගවලින් දිනකට මෙරට වැසියන් 37 දෙනෙකු පමණ මිය යන බව වැඩබලන කැබිනට් ප්‍රකාශක, වැඩබලන ජනමාධ්‍ය හා ප්‍රවෘත්ති අමාත්‍ය ලක්ෂ්මන් යාපා අබේවර්ධන මහතා ප්‍රකාශ කළේය.

ශරීරයට අවශ්‍ය ව්‍යායාම නිසි පරිදි සිදු නොවීම නිසා මෙම මරණවලට හේතුව බවට සොයාගෙන ඇතැයි හෙතෙම සඳහන් කළේය. එබැවින් මාධ්‍ය හරහා සුවදායක වැඩසටහන් ප්‍රචාරය කිරීම සඳහා කටයුතු කරන්නැයි වැඩබලන කැබිනට් ප්‍රකාශකවරයා රජයේ ප්‍රවෘත්ති දෙපාර්තමේන්තුවේදී ඊයේ (19) පැවැති කැබිනට් තීරණ දැනුම් දීමේ ප්‍රවෘත්ති සාකචිඡාවේදී මාධ්‍යවේදීන් ඉල්ලීමක් කළේය.

මේ සම්බන්ධයෙන් ඇමැතිවරුන් සිව් දෙනෙකු විසින් කැබිනට් මණ්ඩලයට යෝජනාවක් ඉදිරිපත් කර තිබූ නමුත් එයට කැබිනට් පත්‍රිකා අවශ්‍ය නැතැයි ජනාධිපති මහින්ද රාජපක්ෂ මහතා ප්‍රකාශ කර ඇත. එමෙන්ම කැබිනට් තීරණ දැනුම් දීමේ ප්‍රවෘත්ති සාකචිඡාවේදී මේ පිළිබඳව මාධ්‍යවේදීන්ගෙන් ඉල්ලීමක් කරන්නැයි ජනාධිපතිවරයා තමාට උපදෙස් දුන් බවත් ලක්ෂ්මන් යාපා අබේවර්ධන මහතා කීය.

http://www.lakbima.lk/new_site/index.php?option=com_content&view=article&id=3125:qqw&catid=82:us-politics&Itemid=457