වල් අලින්ගෙන් සිදුවන ජීවිත, දේපොළ හා වගාහානි වෙනුවෙන් ගෙවනු ලබන රක්‍ෂණ වන්දි මුදල ලබන වසරේ සිට ඉහළ දැමීමට ගොවිජන සේවා හා වනජීවී අමාත්‍යාංශය තීරණය කර ඇත.
ජීවිත හානි හා පූර්ණ ආබාධිත තත්ත්වයන්ට ලක්‌වීමක්‌ වෙනුවෙන් උපරිමය රුපියල් පන්ලක්‍ෂයක්‌, අර්ධ ආබාධිත තත්ත්වයකට පත්වූවිට රුපියල් ලක්‍ෂ දෙකක්‌ දක්‌වාත්, දේපොළ හා නිවාස හානි වෙනුවෙන් රුපියල් දෙලක්‍ෂය දක්‌වාත්, ගොවීන් පාවිච්චිකරන උපකරණ (යතුරු පැදි, රෝද දෙකේ ට්‍රැක්‌ටර්) යනාදිය වෙනුවෙන් රුපියල් ලක්‍ෂ දෙක දක්‌වාත් පොල්, කෙසෙල් වැනි ස්‌ථිර වැවිලි සඳහා වසර දෙකකට වැඩි පොල් ගසකට රුපියල් 3000 බැගින්ද, වී, බඩඉරිඟු අතිරේක බෝග සඳහා අක්‌කරයක්‌ සඳහා රුපියල් 30,000 දක්‌වාත් රක්‍ෂණ වන්දි මුදල වැඩිකෙරෙනු ඇත.
ගොවිජන සේවා හා වනජීවී අමාත්‍යාංශයේ ඊයේ (21දා) පැවැති මාධ්‍ය හමුවේදී ඇමැති එස්‌. එම්. චන්ද්‍රසේන මහතා මේ බව අනාවරණය කළේය.
එමෙන්ම අලි මිනිස්‌ ගැටුම වැළැක්‌වීම සඳහා වල් අලි හානි උවදුර ඇති බවට හඳුනාගෙන තිබෙන ප්‍රාදේශීය ලේකම් කොට්‌ඨාස පනස්‌ දෙකේ ගම් ආරක්‍ෂා කිරීමට වගේම ගම් වදින අලින් සංරක්‍ෂණයටත් පියවර රැසක්‌ ගැනීමට සැලසුම් කර ඇතැයි ඇමැතිවරයා පැවැසීය.
මේ ප්‍රාදේශීය ලේකම් කොට්‌ඨාසවල ගම්වලට වල් අලින් කඩාවැදීම වැළැක්‌වීමට විදුලි වැටවල්, ජීව වැටවල්, කාණු තැනීමට අවශ්‍ය පියවර දැනටමත් ගෙන ඇතැයි ඇමැතිවරයා පැවැසීය.
මිනිස්‌ ජීවිත, දේපොළ වගා හානි වළක්‌වා ගැනීම මෙන්ම වල් අලින් ආරක්‍ෂා කිරීමට දකුණ, ඌව පළාත් ආවරණය වන පරිදි ලුණුගම්වෙහෙරත්, නැගෙනහිර පළාත් ආවරණය වන පරිදි මාදුරුඔය, උතුර, උතුරු මැද පළාත් ආවරණය වන පරිදි හොරව්පතාන, වයඹ පළාත ආවරණය වන පරිදි ගල්ගමුවේ වල් අලි සංරක්‍ෂණ මධ්‍යස්‌ථාන හතරක්‌ ඉදිකෙරෙන බවද මින් කිහිපයක වැඩ මේ වන විටත් ආරම්භ කර ඇති බවද හෙතෙම කීවේය.
මෙම සියලු කටයුතු සඳහා ජනාධිපති මහින්ද රාජපක්‍ෂ මහතා මෙවර අයවැයෙන් රුපියල් කෝටි දහයක මුදලක්‌ වෙන්කර දී ඇතැයි සඳහන් කළ ඇමැතිවරයා ලබන වසරේ අලි මිනිස්‌ ගැටුම සියයට 75 කින් පමණ අඩු කිරීමට බලාපොරොත්තු වන බවද පැවැසීය.
ලබන වසරේ කිලෝමීටර් 250 ක ප්‍රමාණයක විදුලි වැටවල් ඉදිකෙරෙන බවත්, එම වැටවල් ආරක්‍ෂා කිරීමට වනජීවී දෙපාර්තමේන්තුවේ කම්කරුවන් 260 ක්‌ යොදවන බවත් එක්‌ අයකුට කිලෝමීටර් හතක්‌ භාරදෙන බවත් ඒ ප්‍රමාණය බලාගන්නා අතර ඔවුන් මගින් ඔවුන්ට අයත් කොටසේ ජීව වැටවල් සැකසීමට කටයුතු කරන බවත් සඳහන් කළේය.
පීඩාකාරී ලෙස හැසිරෙන අලි ඇතුන් සංරක්‍ෂණ මධ්‍යස්‌ථානවලට රැගෙන යන බවත් අලුතෙන් ඇති කරන අලි සංරක්‍ෂණ මධ්‍යස්‌ථානවල සංචාරකයන්ට අලි ඇතුන් දැකගැනීමට නිරීක්‍ෂණ වේදිකා ඇතිකරන බවත් කීවේය.
මෙයට අමතරව සියලුම ජාතික උද්‍යාන ප්‍රතිසංස්‌කරණ කිරීම ලබන වසරේ සිදුකෙරෙන බවත් මේ අභයභූමි තුළ සිටින අලි ඇතුන්ට කැලෙන් එළියට පැමිණීමට අවශ්‍ය නොවන පරිදි ඇතුන්ට අවශ්‍ය ආහාර ජලය සැපයීම ඒවාගේ තුළ තිබෙන වැව් ජලාශ ප්‍රතිසංස්‌කරණය කිරීම, තෘණ වගා කිරීම සිදුකෙරෙන බවත් හෙතෙම පැවැසීය.
අලමංකඩවල පදිංචිකරුවන් ඉවත් කිරීමට කටයුතු කරන බවත් පැවැසූ ඇමැතිවරයා ඒ සම්බන්ධයෙන් දැඩි ක්‍රියාමාර්ග ගන්නා බවත් කීවේය. ගොවිජන සේවා හා වනජීවි අමාත්‍යාංශයේ ලේකම් උදේනි වික්‍රමසිංහ, වනජීවී සංරක්‍ෂණ දෙපාර්තමේන්තුවේ අධ්‍යක්‍ෂ ජනරාල් එච්. ඩී. රත්නායක යන මහත්වරු ඇතුළු නිලධාරීහු කිහිපදෙනෙක්‌ සහභාගි වූහ.
http://www.divaina.com/2011/12/24/provin01.html
ජීවිත හානි හා පූර්ණ ආබාධිත තත්ත්වයන්ට ලක්‌වීමක්‌ වෙනුවෙන් උපරිමය රුපියල් පන්ලක්‍ෂයක්‌, අර්ධ ආබාධිත තත්ත්වයකට පත්වූවිට රුපියල් ලක්‍ෂ දෙකක්‌ දක්‌වාත්, දේපොළ හා නිවාස හානි වෙනුවෙන් රුපියල් දෙලක්‍ෂය දක්‌වාත්, ගොවීන් පාවිච්චිකරන උපකරණ (යතුරු පැදි, රෝද දෙකේ ට්‍රැක්‌ටර්) යනාදිය වෙනුවෙන් රුපියල් ලක්‍ෂ දෙක දක්‌වාත් පොල්, කෙසෙල් වැනි ස්‌ථිර වැවිලි සඳහා වසර දෙකකට වැඩි පොල් ගසකට රුපියල් 3000 බැගින්ද, වී, බඩඉරිඟු අතිරේක බෝග සඳහා අක්‌කරයක්‌ සඳහා රුපියල් 30,000 දක්‌වාත් රක්‍ෂණ වන්දි මුදල වැඩිකෙරෙනු ඇත.
ගොවිජන සේවා හා වනජීවී අමාත්‍යාංශයේ ඊයේ (21දා) පැවැති මාධ්‍ය හමුවේදී ඇමැති එස්‌. එම්. චන්ද්‍රසේන මහතා මේ බව අනාවරණය කළේය.
එමෙන්ම අලි මිනිස්‌ ගැටුම වැළැක්‌වීම සඳහා වල් අලි හානි උවදුර ඇති බවට හඳුනාගෙන තිබෙන ප්‍රාදේශීය ලේකම් කොට්‌ඨාස පනස්‌ දෙකේ ගම් ආරක්‍ෂා කිරීමට වගේම ගම් වදින අලින් සංරක්‍ෂණයටත් පියවර රැසක්‌ ගැනීමට සැලසුම් කර ඇතැයි ඇමැතිවරයා පැවැසීය.
මේ ප්‍රාදේශීය ලේකම් කොට්‌ඨාසවල ගම්වලට වල් අලින් කඩාවැදීම වැළැක්‌වීමට විදුලි වැටවල්, ජීව වැටවල්, කාණු තැනීමට අවශ්‍ය පියවර දැනටමත් ගෙන ඇතැයි ඇමැතිවරයා පැවැසීය.
මිනිස්‌ ජීවිත, දේපොළ වගා හානි වළක්‌වා ගැනීම මෙන්ම වල් අලින් ආරක්‍ෂා කිරීමට දකුණ, ඌව පළාත් ආවරණය වන පරිදි ලුණුගම්වෙහෙරත්, නැගෙනහිර පළාත් ආවරණය වන පරිදි මාදුරුඔය, උතුර, උතුරු මැද පළාත් ආවරණය වන පරිදි හොරව්පතාන, වයඹ පළාත ආවරණය වන පරිදි ගල්ගමුවේ වල් අලි සංරක්‍ෂණ මධ්‍යස්‌ථාන හතරක්‌ ඉදිකෙරෙන බවද මින් කිහිපයක වැඩ මේ වන විටත් ආරම්භ කර ඇති බවද හෙතෙම කීවේය.
මෙම සියලු කටයුතු සඳහා ජනාධිපති මහින්ද රාජපක්‍ෂ මහතා මෙවර අයවැයෙන් රුපියල් කෝටි දහයක මුදලක්‌ වෙන්කර දී ඇතැයි සඳහන් කළ ඇමැතිවරයා ලබන වසරේ අලි මිනිස්‌ ගැටුම සියයට 75 කින් පමණ අඩු කිරීමට බලාපොරොත්තු වන බවද පැවැසීය.
ලබන වසරේ කිලෝමීටර් 250 ක ප්‍රමාණයක විදුලි වැටවල් ඉදිකෙරෙන බවත්, එම වැටවල් ආරක්‍ෂා කිරීමට වනජීවී දෙපාර්තමේන්තුවේ කම්කරුවන් 260 ක්‌ යොදවන බවත් එක්‌ අයකුට කිලෝමීටර් හතක්‌ භාරදෙන බවත් ඒ ප්‍රමාණය බලාගන්නා අතර ඔවුන් මගින් ඔවුන්ට අයත් කොටසේ ජීව වැටවල් සැකසීමට කටයුතු කරන බවත් සඳහන් කළේය.
පීඩාකාරී ලෙස හැසිරෙන අලි ඇතුන් සංරක්‍ෂණ මධ්‍යස්‌ථානවලට රැගෙන යන බවත් අලුතෙන් ඇති කරන අලි සංරක්‍ෂණ මධ්‍යස්‌ථානවල සංචාරකයන්ට අලි ඇතුන් දැකගැනීමට නිරීක්‍ෂණ වේදිකා ඇතිකරන බවත් කීවේය.
මෙයට අමතරව සියලුම ජාතික උද්‍යාන ප්‍රතිසංස්‌කරණ කිරීම ලබන වසරේ සිදුකෙරෙන බවත් මේ අභයභූමි තුළ සිටින අලි ඇතුන්ට කැලෙන් එළියට පැමිණීමට අවශ්‍ය නොවන පරිදි ඇතුන්ට අවශ්‍ය ආහාර ජලය සැපයීම ඒවාගේ තුළ තිබෙන වැව් ජලාශ ප්‍රතිසංස්‌කරණය කිරීම, තෘණ වගා කිරීම සිදුකෙරෙන බවත් හෙතෙම පැවැසීය.
අලමංකඩවල පදිංචිකරුවන් ඉවත් කිරීමට කටයුතු කරන බවත් පැවැසූ ඇමැතිවරයා ඒ සම්බන්ධයෙන් දැඩි ක්‍රියාමාර්ග ගන්නා බවත් කීවේය. ගොවිජන සේවා හා වනජීවි අමාත්‍යාංශයේ ලේකම් උදේනි වික්‍රමසිංහ, වනජීවී සංරක්‍ෂණ දෙපාර්තමේන්තුවේ අධ්‍යක්‍ෂ ජනරාල් එච්. ඩී. රත්නායක යන මහත්වරු ඇතුළු නිලධාරීහු කිහිපදෙනෙක්‌ සහභාගි වූහ.
http://www.divaina.com/2011/12/24/provin01.html
No comments:
Post a Comment