චන්ද්‍රිකා පෙරේරා
ඉන්දියාවේ සිට මෙරටට නීතිවිරෝධී ලෙස එනසාල් හා දුම්කොළ කුඩු තොගයක් රැගෙන ආ තමිල්නාඩුවේ පදිංචි පුද්ගලයෙක් ගුවන්තොටුපල මත්ද්‍රව්‍ය කාර්යංශය මඟින් ඊයේ (02) උදේ කටුනායක ගුවන්තොටේදී අත්අඩංගුවට ගෙන තිබේ.
එනසාල් කිලෝ 51ක්, දුම්කොළ කුඩු ග්‍රෑම් දහයේ ටින් 1000ක් හා හෑන්ස් පැකට්ටු 150ක් මොහු ළඟ තිබී සොයාගත් බව මත්ද්‍රව්‍ය කාර්යාංශය පවසයි.
අත්අඩංගුවට ගත් සැකකරු රැගෙන ආ ගමන් බෑගයේ එම තොගය සඟවාගෙන පැමිණ තිබේ. එදින උදේ හතරට පමණ ඉන්දියාවේ සිට කටුනායක ජාත්‍යන්තර ගුවන්තොටුපල වෙත ආ ගුවන් යානයකින් මොහු පැමිණ තිබේ.
සැකකරු හා ද්‍රව්‍ය තොගය වැඩිදුර පරීක්‍ෂණ සඳහා ගුවන් තොටුපොල රේගු අංශය වෙත බාරදි ඇත. සිද්ධිය පිළිබඳ ශ්‍රී ලංකා රේගුව පරීක්‍ෂණ පවත්වයි.
http://www.dinamina.lk/2011/12/03/_art.asp?fn=u1112031
No comments:
Post a Comment