කාබුල් සේවකයෝ 548කට වන්දි

2004 පෙබරවාරි 27 දින හදිසියේ වසා දමන ලද මත්තේගම කාබුල් ලේස් සමාගමේ සේවකයන් 548 දෙනකුට කම්කරු දෙපාර්තමේන්තුව මගින් වන්දි ප්‍රදානය කරනු ලැබීය.

එක් එක් සේවකයාට රුපියල් දෙලක්‍ෂ පනස්දහසකට අධික වන්දියක් ලබා දී ඇත. එම වන්දිය ගණනය කර ඇත්තේ කාබුල් ලේස් සමාගමට මෙම කම්හල පැවරූ දින සිට වැඩ කළ එක් එක් වසරට මාස දෙකක වැටුප් වශයෙනි. ජාතික පේෂකර්ම සංස්ථාවේ දළ නූල් කැටීමේ කම්හලක් ලෙස 1976 දී ආරම්භ කරන ලද්දේ එවකට කර්මාන්ත හා විද්‍යා කටයුතු ඇමැති ටී. බී. සුබසිංහ මහතා විසිනි.

1996 දී එම කම්හල කොරියාවේ කාබුල් සමාගමට පැවරිණි. එම සමාගම දළ නූල් කැටීම අතහැර ලේස් නිපදවීමට කටයුතු කළේය. මෙම ආයතනයේ ලේස් නිෂ්පාදනය සඳහා එම සමාගමේම බලධාරීන් වෙනත් සමාගමක් ආරම්භ කර ඇත.

මෙහි නිෂ්පාදන නිමකිරීම සඳහා එම සමාගමට ගෙන යන ලද අතර ආපසු ගෙන එන්නේ ඉන් සුළු කොටසක් පමණි. ඉතිරි නිමි කළ ලේස් එම සමාගම නමින් අපනයනය කරයි.

http://www.dinamina.lk/2012/02/21/_art.asp?fn=n12022110