මාතර - ගාල්ල ප්‍රධාන මාර්ගයේ කඹුරුගමුව තුංමං හන්දිය ආශි‍්‍රත මුහුදු තීරයට පසුගිය 3 වැනිදා පෙරවරුවේ යෝධ තල්මසෙකු ගොඩගසා තිබිණ. මිය ගොස් තිබෙන මේ තල්මසා මුහුදු තීරයේ විශාල ගල්පර දොබොක්කාවක හිරවී සිටි අතර දැඩි මුහුදු රළ පහරට වරින් වර ශරීරය දිය මතු පිටට දර්ශනය වෙමින් පැවතිණ.තල්මසාගේ වල්ගය මුහුදු දිය මතුපිටට නෙරා තිබිණ. මුහුදු වතුරට වරින්වර තල්මසාගේ ශරීරයෙන් ඉහිරෙන රුධිරය මිශ්‍රවන බවද පැහැදිලිව දක්නට ලැබිණ. ඈත මුහුදේ නැවකට අසුවී තුවාලවීමෙන් පසු මියගොස් ඇතැයි විශ්වාස කළ හැකි තල්මසා අනුක්‍රමයෙන් මුහුදු තීරයට පාවෙන්නට ඇතැයි පැහැදිලිව පෙනේ. පාසැල් සිසුන් , භික්‍ෂූන් වහන්සේලා, විදේශිකයෝ ඇතුළු විශාල පිරිසක් මුහුදු වෙරළට එක්රොක් වී තල්මස් සිරුර නැරඹුහ.
No comments:
Post a Comment