අයිස් ක්‍රීම් අනුභවයෙන් පසු උගුර වේදනාව, පාචනය වැනි රෝග ලක්ෂණ ඇති වන්නේ නම් වහාම කොළඹ මහා නගර සභාවේ ජන සෞඛ්‍ය දෙපාර්තමේන්තුවට දන්වන ලෙස ප්‍රධාන සෞඛ්‍ය වෛද්‍ය නිලධාරී වෛද්‍ය ප්‍රදීප් කාරියවසම් මහතා පාරිභෝගිකයින්ගෙන් ඉල්ලා සිටී. අයිස් ක්‍රීම් අසුරා තබන ප්ලාස්ටික් ඇසුරුමේ පියන ලිහිල්ව පැවතීම හෝ අයිස් ක්‍රීම් මෙලෙක් තත්ත්වයෙන් පවතින බවට ඇතැම් පාරිභෝගිකයින් පැමිණිලි කර ඇති බව පෙන්වා දෙන ඒ මහතා, වහාම එම අයිස් ක්‍රීම් සාම්පල්ද තම දෙපාර්තමේන්තුවට ලැබීමට සලස්වන ලෙස ද දන්වා සිටී.
රාත්‍රී කාලයේ ඇතැම් වෙළඳසැල්වල අධිශීතකරණ අක්‍රීය කොට තබන බැවින් වහාම එම වෙළඳසැල් රාත්‍රී කාලයේ සෝදිසි කිරීමට පියවර ගෙන ඇතැයිද හෙතෙම සඳහන් කරයි. යම් හෙයකින් නිසි ප්‍රමිතියකින් තොරව අයිස්ක්‍රීම් අලවියට තබා ඇති බව සනාථ වුවහොත් එම වෙළඳසල් හිමියන්ට එරෙහිව නීතිමය පියවර ගන්නා බවද කාරියවසම් මහතා අවධාරණය කරයි. අයිස් ක්‍රීම් සම්බන්ධ පාරිභෝගික පැමිණිළි 0112676161/ 0112696594 යන දුරකථන අංකවලට දන්වන ලෙස වෛද්‍ය කාරියවසම් මහතා ජනතාවගෙන් වැඩිදුරටත් ඉල්ලා සිටී.
No comments:
Post a Comment