කොළඹ නගරයේ බත් පාර්සල් අලෙවි කරන සියලු වෙළෙඳුන් අද සිට කොළඹ මහ නගර සභාවේ ලියාපදිංචිවීම අනිවාර්ය බව කොළඹ මහ නගර සභාවේ ප්‍රධාන වෛද්‍ය නිලධාරී වෛද්‍ය ප්‍රදීප් කාරියවසම් මහතා අවධාරණය කරයි.
එසේ නොමැතිව කිසිදු පුද්ගලයකු ට බත් පාර්සල් අලෙවි කළ නොහැකි බව පෙන්වා දෙන ඒ මහතා, ආහාරවල සෞඛ්‍යාරක්‍ෂිත බව තහවුරු කරමින් තම ප්‍රදේ්ශයේ සෞඛ්‍ය වෛද්‍ය නිලධාරිවරයා නිකුත් කළ සහතිකයක් තිබීම අනිවාර්යය බව සඳහන් කරයි.
විශේෂයෙන් පිසූ ආහාර පාර්සල් පැය 4ක කාලයක් තුළදී අලෙවි කළ යුතු බවත්, එම ආහාර පිළියෙළ කරන ස්ථාන සහ පුද්ගලයන්ගේ සෞඛ්‍යය ආරක්ෂිත බව වෛද්‍ය නිලධාරිවරයා නිකුත් කරන සහතිකයෙන් තහවුරු විය යුතු බවත් ඒ මහතා ප්‍රකාශ කරයි.
කොළඹ මහ නගර සභාවේ ජන සෞඛ්‍ය දෙපාර්තමේන්තුව යටතේ ලියාපදිංචි වන මේ වෙළෙඳුන්ට විධිමත් පුහුණුවක් ලබා දීමට ද පියවර ගෙන ඇත.
No comments:
Post a Comment