සීගිරිය - සරත් එරමිණිගම්මන
සීගිරිය සහ අවට ගම්මාන රැසක ප්‍රචණ්‌ඩ ලෙස හැසිරෙමින් සැරිසරන වන අලියකු හේතුවෙන් ප්‍රදේශයේ ජනතාවගේ ජන ජීවිතය සම්පූර්ණයෙන් අඩාල වී තිබේ.
සීගිරිය, කලාපුරය, මයිල්ලත්තෑව, සීගිරිමුල්ල, පොල්ලෑත්තෑව ආදී ගම්මානවල සැරිසරන මෙම අලියා 13 දා (පෙරේදා) රාත්‍රියේ හේනට යමින් සිටි සිව්දරු පියෙකුට පහරදී බරපතළ තුවාල සිදු කර ඇති අතර සීගිරිය, කලාපුරයේ පදිංචි ඩබ්ලිව්. ඇම්. ලොකුබණ්‌ඩා මහතා ද පහර කෑමට ලක්‌ව ඇත. ප්‍රදේශයේ වී ලොකු ලූනු සහ එළවළු වගා බිම් රැසක්‌ද ගත වූ සති කීපය තුළ විනාශ කර දමා ඇති බව ප්‍රදේශවාසීහු සඳහන් කරති.
ප්‍රචණ්‌ඩ ලෙස සැරිසරන මෙම අලියා වෙනත් ප්‍රදේශයකට රැගෙන යා යුතු බවට වනජීවී නිලධාරීන් විසින් හඳුනාගෙන ඇත.
http://www.divaina.com/2011/09/15/provin01.html
No comments:
Post a Comment