ඒමන්ති මාරඹේ
පෞද්ගලික ඖෂධ සමාගම් නියෝජිතයන්ට රජයේ රෝහලවලට ඇතුළු වීම හා රාජකාරී වේලාවන්හිදී විශේෂඥ වෛද්‍යවරුන් මුණගැසීම තහනම් කිරීමට සෞඛ්‍ය අමාත්‍යාංශය තීරණය කර ඇත.
මෙතෙක්‌ පෞද්ගලික ඖෂධ සමාගම් නියෝජිතයන්ට දිවා විවේකය තුළදී පමණක්‌ රජයේ රෝහල්වලට ඇතුළුවීමට සෞඛ්‍ය අමාත්‍යාංශය විසින් අවසර ලබාදී තිබූ අතර පසුගිය සතියේදී සෞඛ්‍ය අමාත්‍යාංශ ලේකම් වෛද්‍ය රවීන්ද්‍ර රුබේරු මහතාගේ අත්සනින් නිකුත් කළ චක්‍රලේඛයක්‌ හරහා එම අවසරය අහෝසි කර තිබේ.
මෙම පියවර ගන්නා ලද්දේ පෞද්ගලික ඖෂධ සමාගම් නියෝජිතයන් විසින් රජයේ රෝහල් විශේෂඥ වෛද්‍යවරුන් අධික මිල ගණන් වලින් යුත් ඖෂධ රෝගීන්ට ලබාදීම සඳහා පෙළඹවීම බව සෞඛ්‍ය අමාත්‍යාංශයේ උසස්‌ නිලධාරියෙක්‌ "දිවයින" ට පැවැසීය.
http://www.divaina.com/2012/03/27/news13.html
No comments:
Post a Comment