ප්‍රභාත් විතාන
ලංකා පිඟන් කර්මාන්ත සංයුක්‌ත මණ්‌ඩලයේ සේවක සේවිකාවන්ට ස්‌වෙච්ඡා වන්දි ලබාදීමට රාජ්‍ය සම්පත් හා ව්‍යවසාය සංවර්ධන අමාත්‍යාංශය කටයුතු යොදා ඇත.
ඒ අනුව එම මණ්‌ඩලයේ සේවක සේවිකාවන් 541 දෙනෙකු පීඊඩී 10 චක්‍ර ලේඛයට අනුව ස්‌වෙච්ඡා වන්දි ලබාදීම සඳහා රුපියල් මිලියන 500 ක මුදලක්‌ වෙන් කර ඇතැයි රාජ්‍ය සම්පත් හා ව්‍යවසාය සංවර්ධන ඇමැති දයාශ්‍රිත තිසේරා මහතා පැවසීය.
මෙම වන්දි ප්‍රදානයෙන් අනතුරුව නව ව්‍යාපාර සැලසුමකට අනුව ලංකා පිඟන් කර්මාන්ත සංයුක්‌ත මණ්‌ඩලයේ ඉතිරි වන සේවකයන් යොදවමින් කර්මාන්තශාලා 4 ක්‌ ලාබදායි මට්‌ටමක පවත්වාගෙන යැමට තම අමාත්‍යාංශය කටයුතු යොදා ඇති බවත් තිසේරා මහතා කියා සිටියේය. ලංකා පිඟන් කර්මාන්ත සංයුක්‌ත මණ්‌ඩලයේ කර්මාන්තශාලා 9 ක්‌ අතරින් එරගම, ඇලයාපත්තුව, යටියන සහ මහියංගනය උළු කම්හල් ඉදිරියට පවත්වාගෙන යන බවත් බිංගිරි සහ උස්‌වැව උළු කම්හල් වසා දැමීමට නියමිත බවත් ඇමැතිවරයා කියා සිටියේය. ලංකා පිඟන් කර්මාන්ත සංයුක්‌ත මණ්‌ඩලය සඳහා රජයේ ප්‍රතිව්‍යqහගතකරණ වැඩපිළිවෙළ යටතේ ආයෝජකයන් වෙතින් යෝජනා කැඳවා තිබූ නමුත් අපේක්‍ෂිත අරමුණු ඉටුකර ගැනීමට සමත් යෝජනා ඉදිරිපත් නොවූ නිසා මහා භාණ්‌ඩාගාරයට මසකට රුපියල් මිලියන 9 ක වැය බරක්‌ව තිබූ නිසාත් සේවක වැටුප් ගෙවීමේ ගැටලු නිරාකරණය කිරීම සඳහා අමාත්‍ය මණ්‌ඩල අනුමැතිය යටතේ මෙසේ ස්‌වෙච්ඡා වන්දි ක්‍රමය ක්‍රියාත්මක කරන බව ඇමැති දයාශ්‍රිත තිසේරා මහතා වැඩිදුරටත් පැවසීය.
http://www.divaina.com/2012/03/22/news18.html
No comments:
Post a Comment