උපාධි ප්‍රදාන කටයුතු සඳහා උසස්‌ අධ්‍යාපන ආයතනවලට නිසි බලධාරියකු පත්කෙරේ
නිලන්ත මදුරාවල
උසස්‌ අධ්‍යාපන ආයතනවලට උපාධි ප්‍රදානය කිරීමේ කටයුතුවලට අදාළ නිසි බලධාරියා ලෙස උසස්‌ අධ්‍යාපන අමාත්‍යාංශයේ ලේකම් ආචාර්ය සුනිල් ජයන්ත නවරත්න මහතා පත් කරනු ලැබ ඇත.
උපාධි ප්‍රදානය කිරීමට යම් ආයතනයක්‌ සුදුසුද නැද්ද යන්න මෙතෙක්‌ තීරණය කළේ විශ්වවිද්‍යාල ප්‍රතිපාදන කොමිෂන් සභාවයි.
උසස්‌ අධ්‍යාපන ඇමැති එස්‌. බී. දිසානායක මහතා විසින් එම කටයුතුවල නිසි බලධාරියා ලෙස ලේකම්වරයා පත් කරනු ලැබීම නිසා ප්‍රතිපාදන කොමිෂන් සභාව උපාධි ප්‍රදානය කිරීමේ බලතල ක්‍රියාත්මක කළ යුතු වන්නේ ලේකම්වරයාගේ අනුමැතියට යටත්වය.
උපාධි ප්‍රදානය කිරීමේ කටයුතුවල නිසි බලධාරියා ලෙස ආචාර්ය සුනිල් ජයන්ත නවරත්න මහතා පත් කිරීම හොරාගෙ අම්මගෙන් පේන ඇසීමට සැලැස්‌වීම වැනි වැඩක්‌ යෑයි විශ්වවිද්‍යාල ආචාර්යවරුන්ගේ සමිති සම්මේලනයේ ආචාර්ය රොහාන් ප්‍රනාන්දු මහතා ඊයේ (27 වැනිදා) කොළඹ පැවැති මාධ්‍ය හමුවකදී පැවැසීය.
http://www.divaina.com/2012/03/28/news08.html
මාලබේ දෙමාපිය සංවිධානයකින් මානව හිමිකම් කොමිසමට පෙත්සමක්‌
ශිරාන් රණසිංහ
මාලබේ වෛද්‍ය විද්‍යාලයට ඇතුළත් කරගත් පළමු කණ්‌ඩායම් හතරට අයත් ශිෂ්‍යයන් දෙසිය පහක්‌ විශ්වවිද්‍යාල ප්‍රතිපාදන කොමිෂන් සභාවේ ලියාපදිංචි නොකිරීමට එරෙහිව දෙමාපිය සංවිධානයක්‌ විසින් ඊයේ (27 වැනිදා) පෙරවරු 11.45 ට පමණ ශ්‍රී ලංකා මානව හිමිකම් කොමිසමට පෙත්සමක්‌ ඉදිරිපත් කරන ලදී.
උසස්‌ අධ්‍යාපන අමාත්‍යාංශයේ ලේකම් ආචාර්ය සුනිල් ජයන්ත නවරත්න මහතා වගඋත්තරකරු කරමින් මෙම පෙත්සම ඉදිරිපත් කළ බව දෙමාපියෝ "දිවයින" ට පැවසූහම.
මේ වන විට මාලබේ පෞද්ගලික වෛද්‍ය විද්‍යාලයට පළමු කණ්‌ඩායම යටතේ ශිෂ්‍යයන් 35 ක්‌ ද, දෙවන කණ්‌ඩායම යටතේ ශිෂ්‍ය ශිෂ්‍යාවන් 48 ක්‌ද, තුන්වන කණ්‌ඩායම යටතේ 52 ක්‌ද, හතරවන කණ්‌ඩායමට 70 ක්‌ ද වශයෙන් දෙසිය පස්‌දෙනකු වෙනුවෙන් මෙම පෙත්සම සකස්‌ කර ඇත.
පෞද්ගලික වෛද්‍ය විද්‍යාලයට බඳවාගත් දෙසිය පස්‌දෙනා ඉලක්‌ක කරගෙන විශ්වවිද්‍යාලයේ අධ්‍යාපන කටයුතු ආරම්භ කළ ද ඒ පිරිස නොසලකාහැර ඊට පසුව බඳවාගත් පස්‌වන කණ්‌ඩායමේ ශිෂ්‍යයන් 70 ක්‌ සහ හයවැනි කණ්‌ඩායමේ 98 ක්‌ විශ්වවිද්‍යාල ප්‍රතිපාදන කොමිෂන් සභාවේ ලියාපදිංචි කිරීම අසාධාරණ බව ද දෙමාපියෝ පවසති.
මාලබේ පෞද්ගලික වෛද්‍ය විද්‍යාලයේ උපාධි පාඨමාලාව වසර පහක්‌ වන අතර ඒ සඳහා මූලික වශයෙන් රුපියල් ලක්‍ෂ හැත්තෑපහක්‌වත් වැයවන බව ද දෙමාපියෝ පවසති.
http://www.divaina.com/2012/03/28/news10.html
No comments:
Post a Comment