* නිවාස 21කට අලාභ කරලා
පුත්තලම දිස්ත්‍රික් සංචාරක ඇන්ටනී ප්‍රනාන්දු
පුත්තලම දිසාවට අයත් ප්‍රාදේශීය ලේකම් කොට්ඨාස 4 ක වල් අලි තර්ජන නිසා ගම්වැසියෝ පීඩාවට පත්වී සිටිති. මේ තත්ත්වය නිසා ජීවිත හානි 4 ක් සිදුවී තිබේ. නිවාස 21 කටද හානි සිදුවී ඇති අතර බෝග වගා අක්කර 100 ක් පමණ වල් අලින්ගේ ග්‍රහණයට හසුවී තිබේ.පුත්තලම කරුවලගස්වැව වනාතවිල්ලුව සහ නවගත්තේගම ප්‍රාදේශීය ලේකම් කොට්ඨාස මේ වල් අලි උවදුර දැඩිව පවතී. ගැමි පවුල් 1000 ක් පමණ මේ නිසා පීඩා විඳිති.
කරුවලගස්වැව ප්‍රාදේශීය ලේකම් කොට්ඨාසයේ කල්අඩිය, එකඩපිටිය, ගල්කුලම, මදුරුගම, ඇතුළු ප්‍රදේශ රැසක වැසියෝ දැඩි අසීරුවට පත්වී සිටිති. ළඟ එන උත්සව සමයට ආදායම් උපයා ගැනීමේ බලාපොරොත්තුව ඇතිව තමන් වගා කළ බෝග වගා සියල්ලම වල් අලි විසින් විනාශ කර දමා ඇතැයි ඔව්හු මැසිවිලි නගති. වයඹ අලි මිනිස් ගැටුම් විසඳුම් ව්‍යාපාරියේ කැඳවුම්කරු ඩබ්ලිව්. සී. චන්ද්‍ර කුමාර මෙසේ කීය
ලංකාවේ පුත්තලම් දිස්ත්‍රික්කයෙන් වැඩිම හානි සිදුවී ඇත්තේ කරුවලගස්වැව ප්‍රාදේශීය ලේකම් කොට්ඨාසයටයි. වන අලි 40කින් යුත් රංචුවකින් මෙලෙස පීඩා සිදුවෙනවා. පවුල් දහසකට පමණ මේ නිසා කරදර ඇතිවී තිබෙනවා. වනජීවී නිලධාරීන්ට කීවත් නිසි විසඳුමක් ලැබී නෑ.
කරුවලගස්වැව ප්‍රාදේශීය සභාවේ හිටපු ප්‍රාදේශීය සභා මන්ත්‍රී ඉන්දික සෙනරත් බණ්ඩාර මහතා - පොල්වගාකරුවන් කුඹුරු සහ වෙනත් බෝග වගා කරන ගොවීන් ඒ වෙනුවෙන් බැංකුවලින් ණය ගන්නවා. ඔවුන්ගේ වගාබිම් අලි විනාශ කළාම ණය ගෙවන්නෙ කොහොමද? සවස 7 පමණ වන විට වල් අලි ගම් වදිනවා. සමහරදාට උදේ 8 වන තුරුත් පාරවල්වල සිටිනවා.
බෝධිරාජපුර පදිංචි චන්ද්‍රමාලි ද සිල්වා - අපේ තාත්තා මිය ගියා. මදුරුගමේදී අලි ප්‍රහාරයකින් අපි හැමදෙනාම නඩත්තු කළේ ඔහු දැන් අපි අසරණ වෙලා.
මෙරියකුලම පදිංචි ලාල් කුමාරසිංහ - අපේ නිවස පිටුපස වහලය කඩා දමලා. බිත්තියකුත් කැඩුවා. රාත්‍රියට දරුවන් සමග ඉන්නේ හරිම බයෙන්.
වල්අලි ප්‍රහාරයකින් කැඩීගිය නිවෙසක බිත්තියක්
No comments:
Post a Comment