දෙහිඅත්තකණ්‌ඩිය - රණතුංග
දෙහිඅත්තකණ්‌ඩිය හේනානිගල ආදිවාසී ගම්මානයේ අභය භූමියේදී වනජීවී නිලධාරීන් විසින් වෙඩි තබා ආදිවාසි දෙදරු පියෙකු ඝාතනය කළ බවට වනජීවී නිලධාරීන් තිදෙනා සැකපිට අත්අඩංගුවට ගෙන දෙහිඅත්තකණ්‌ඩිය වැඩබලන මහෙස්‌ත්‍රාත් බී. කේ. එස්‌. කේ. සුමතිපාල මහතා වෙත 16 වැනි දින ඉදිරිපත් කිරීමෙන් පසු 19 වැනිදා (අද) දක්‌වා බදුල්ල රක්‍ෂිත බන්ධනාගාර ගත කරන ලෙස නියෝග කෙරුණි.
අම්පාර ජ්‍යෙෂ්ඨ පොලිස්‌ අධිකාරී ප්‍රේමලාල් රණගල, මහඔය සහකාර පොලිස්‌ අධිකාරි ප්‍රියංකර ද සිල්වා, දෙහිඅත්තකණ්‌ඩිය පොලිස්‌ ස්‌ථානාධිපති ප්‍රධාන පොලිස්‌ පරීක්‍ෂක ජයශාන්ත යන මහත්වරු පරීක්‍ෂණ පැවැත්වීමෙන් පසු වන සත්ත්ව අඩවි සහකාර එම්. එම්. කරුණාරත්න, සත්ත්ව නියාමක ආර්. එම්. ශාලික ගිහාර, සිවිල් ආරක්‍ෂක නිලධාරී ඒ. එම්. අත්තනායක ජයතිස්‌ස යන අය මෙසේ සැකපිට අත්අඩංගුවට ගනු ලැබීය. වනජීවී නිලධාරීන් ළඟ තිබූ පතරොම් තුවක්‌කු 2 ආදිවාසින් පාවිච්චි කළ වෙඩි බෙහෙත් කොටන තුවක්‌කු 01 ත් සමග උපකරණ අධිකරණයට ඉදිරිපත් කෙරුණි. අපරාධ විමර්ශන අංශයේ ස්‌ථානාධිපති සුමනරත්න, පො.සැ. (28350) සරත්, පො.සැ. (2236) නිමලසිරි, පො.සැ. (27726) බණ්‌ඩාර, පො.කො. (33965) උපසේන, පො.කො. (19370) ස්‌වර්ණ බණ්‌ඩාර, පො.කො. (36745) නිශ්ශංක, (43822) කුමාරසිංහ යන මහත්වරු මෙම සැකකරුවන් අධිකරණයට ඉදිරිපත් කළහ.
http://www.divaina.com/2012/03/19/news10.html
කැලේ රකින්නේ ආදිවාසීන් මිස වනජීවී නිලධාරීන් නොවේ
හේනානිගල ආදිවාසී නායක තලාවරිගේ ගුණබණ්‌ඩා කියයි
දෙහිඅත්තකණ්‌ඩිය - රණතුංග
අපේ කිරි අත්තලා, මී මුත්තලා කාලේ සිට කැලේට යන එක අපේ පරම්පරාවේ සිරිතක්‌. කැලේ ආරක්‌ෂා කළේ ආදිවාසී ජනතාව මිසක්‌ වනජීවී නිලධාරීන් නොවේ. වනජීවී නිලධාරීන් කැලේ ගස්‌ කපනවා. නිධන් හාරනවා. සත්තු දඩයම් කරලා බ්‍රොaකර්ලා මගින් විකුණනවා. සත්තු දඩයම් කරන්න අපිට පතරොම් තුවක්‌කු නැහැ. අපේ සංස්‌කෘතියට අනුව තමයි අපි දඩයම් කරන්නේ. වනජීවී නිලධාරීන් ආවට පසුව තමයි කැලේ ගස්‌ කැපීම, නිධන් හෑරීම සත්තු දඩයම් කිරීම වැඩියෙන් සිදුවන්නේ."
හේනානිගල, මාදුරුඔය කැලේ ආශ්‍රිතව පැවැති හේනානිගල ආදිවාසීන්ගේ උද්ඝෝෂණයේදී හේනානිගල ආදිවාසී නායක තලාවරිගේ ගුණබණ්‌ඩා පෙරේදා (17 දා) එසේ පැවැසීය.
හේනානිගල ආදිවාසී නායකයා වැඩිදුරටත් මෙසේ ද කීය.
මාදුරුඔය ජලාශයේ මාළු අල්ලන්න, මී කඩන්න දෙන්නේ නැහැ. ආදිවාසීන් කැලේ ආරක්‌ෂා කළා. නිධන් හෑරුවේ නැහැ. නිධන් තිබෙන තැන අපි දන්නේ නැහැ. වනජීවී නිලධාරීන් විසින් ආදිවාසී තරුණයන් පස්‌ දෙනකුට මේ වනවිට වෙඩි තියලා මරලා දාලා තුවාල සිදුකරලා තිබෙනවා. කිසිම ලෙඩක්‌ හැදෙන්නේ නැතිව ආදිවාසීන් මියගියත් අද වනජීවී නිලධාරීන් පතරොම් තුවක්‌කුවලින් වෙඩි තියලා මරලා දානවා. වෙඩි තියල ආදිවාසීන් මරන්න වනජීවී නිලධාරීන්ට බලපත් දුන්නේ කවුදැයි ජනාධිපතිතුමාගෙන් වනජීවී ඇමැතිවරයාගෙන් ප්‍රශ්න කරන බව ද ඔහු වැඩිදුරටත් පැවැසීය.
http://www.divaina.com/2012/03/19/news02.html
ස්‌වභාවිකව මිනිස්‌සු මැරෙනවා - ඒත් අයාලයේ මිය යන එක දුකක්‌
- ඌරුවරිගේ වන්නිලැඇත්තෝ
වෙඩි ප්‍රහාරයකට ලක්‌ව මියගිය ආදිවාසී තරුණයාගේ අවසන් කටයුතු සිදුකෙරේ වෙඩි ප්‍රහාරයකට ලක්‌ව මියගිය දෙහිඅත්තකණ්‌ඩිය, නවමැදගම, හේනානිගල ආදිවාසී ගම්මානයේ තරුණයකු වූ තලාවරිගේ සුනිලා (29) නමැති දෙදරු පියාගේ දේහය පිළිබඳ අවසන් කටයුතු පෙරේදා (17 වැනිදා) දෙහිඅත්තකණ්‌ඩිය හේනානිගල ආදිවාසී ගම්මානයේ පොදු සුසාන භූමියේදී විශාල පිරිසකගේ සහභාගිත්වයෙන් සිදු කෙරිණි.
මේ අවස්‌ථාව සඳහා ආදිවාසී නායක ඌරුවරිගේ වන්නිලැ ඇත්තන් ඇතුළු දඹාන ආදිවාසී ගම්මානයේ පරපුර හා හේනානිගල ආදිවාසී ගම්මානයේ පරපුර එක්‌ව සිටියහ.
මෙම අවස්‌ථාවට රජයේ පාර්ශ්වයෙන් ශෝකය ප්‍රකාශ කිරීම සඳහා ගොවිජන සේවා හා වනජීවී අමාත්‍යාංශයේ සහකාර ලේකම් විජිත හපන්ගම මහතාද සහභාගි විය. මෙහිදී විජිත හපන්ගම මහතා හා ආදිවාසී නායක ඌරුවරිගේ වන්නිලෑ ඇත්තන් සමඟ විශේෂ සාකච්ඡාවක ද නිරත විය. එහිදී ඌරුවරිගේ වන්නිලෑඇත්තන් මියගිය දෙදරු පියාගේ පවුලට රජය පාර්ශ්වයෙන් වන්දි යක්‌ හා මියගිය සුනිලාගේ දරු දෙදෙනාට අධ්‍යාපන කටයුතු වෙනුවෙන් උදව් කරන්නැයිද රජයෙන් ඉල්ලා සිටියේය.
මෙම අපරාධයට වගකිවයුතු අයට දැඩි දඬුවම් ලබාදෙන්නැයි ද ඌරුවරිගේ වන්නිලැ ඇත්තෝ මෙහිදී රජයෙන් ඉල්ලා සිටියේය.
"පරම්පරාවේ නායකයා හැටියට අද දවස මගේ හිතට බොහොම අමාරු දවසක්‌. ස්‌වභාවිකවම මිනිස්‌සු මැරෙනවා. හැබැයි මේ වගේ අකාලේ මිනිස්‌සු මැරෙන එක දුකයි. වනජීවී අමාත්‍යාංශයේ අධ්‍යක්‍ෂතුමා හා අමැතිතුමා හා මම එකඟතාවයකට ආවා. පරම්පරාවේ සිරිත් විරිත් අනුව ආදිවාසීන්ගේ අවශ්‍යතාවන්ට කැලෑවට යැමට අවසර දෙන්න. ඒත් අද වෙනකොට ඒ දීපු අවසරය වලංගු වෙලා තියෙන්නේ දවල් කාලයට විතරයි. රාත්‍රියට ආදිවාසීන්ට බඩගිනි වෙන්නේ නැද්ද? රැකියාවක්‌ කරන්න බැරිද? මේක මහා විශාල ගැටළුවක්‌. මේ ගැන පෙරේදා ඉඳලම ඇමැතිවරයාට කතා කළා. ජනාධිපති ලේකුම්තුමාට කිව්වා.
ඒ අයව දැනුවත් කළා. අද වෙනකොටත් මේකට විසඳුමක්‌ දීලා නැහැ" යෑයි අවමංගල්‍ය සභාව ඇමතූ ආදිවාසී නායක ඌරුවරිගේ වන්නිලැඇත්තෝ පැවැසීය.
අවමංගල සභාව තුළදී පක්‍ෂ, විපක්‍ෂ දේශපාලන නායකයන්, ගම්වාසී හිතමිතුරෝද රැසක්‌ ගුණකථනයන් සිදු කළහ.
මෙම මරණය අහස පොළොව නුහුලන අපරාධයක්‌ බවත්, ආදිවාසීන්ට උරුම කැලයේ අයිතිය ගිනි අවි අමෝරාගෙන සිටින වන සංරක්‌ෂණ දෙපාර්තමේන්තු නිලධාරීන්ගේ අතට පත්වී ඇති බවත්, මෙහි වැරදිකරුවන්ට දැඩි දඬුවම් ලබාදිය යුතු බවත් අවමංගල උත්සවයට සහභාගිවූ ආදිවාසී පරපුරේ සාමාජිකයෝ කීප දෙනෙක්‌ම පැවසූහ.
ප්‍රදීප් ප්‍රසන්න සමරකෝන්, මහියංගණය - රංජිත් කරුණාවීර සහ දෙහිඅත්තකණ්‌ඩිය රණතුංග
http://www.divaina.com/2012/03/19/news14.html
මේ අවස්‌ථාව සඳහා ආදිවාසී නායක ඌරුවරිගේ වන්නිලැ ඇත්තන් ඇතුළු දඹාන ආදිවාසී ගම්මානයේ පරපුර හා හේනානිගල ආදිවාසී ගම්මානයේ පරපුර එක්‌ව සිටියහ.
මෙම අවස්‌ථාවට රජයේ පාර්ශ්වයෙන් ශෝකය ප්‍රකාශ කිරීම සඳහා ගොවිජන සේවා හා වනජීවී අමාත්‍යාංශයේ සහකාර ලේකම් විජිත හපන්ගම මහතාද සහභාගි විය. මෙහිදී විජිත හපන්ගම මහතා හා ආදිවාසී නායක ඌරුවරිගේ වන්නිලෑ ඇත්තන් සමඟ විශේෂ සාකච්ඡාවක ද නිරත විය. එහිදී ඌරුවරිගේ වන්නිලෑඇත්තන් මියගිය දෙදරු පියාගේ පවුලට රජය පාර්ශ්වයෙන් වන්දි යක්‌ හා මියගිය සුනිලාගේ දරු දෙදෙනාට අධ්‍යාපන කටයුතු වෙනුවෙන් උදව් කරන්නැයිද රජයෙන් ඉල්ලා සිටියේය.
මෙම අපරාධයට වගකිවයුතු අයට දැඩි දඬුවම් ලබාදෙන්නැයි ද ඌරුවරිගේ වන්නිලැ ඇත්තෝ මෙහිදී රජයෙන් ඉල්ලා සිටියේය.
"පරම්පරාවේ නායකයා හැටියට අද දවස මගේ හිතට බොහොම අමාරු දවසක්‌. ස්‌වභාවිකවම මිනිස්‌සු මැරෙනවා. හැබැයි මේ වගේ අකාලේ මිනිස්‌සු මැරෙන එක දුකයි. වනජීවී අමාත්‍යාංශයේ අධ්‍යක්‍ෂතුමා හා අමැතිතුමා හා මම එකඟතාවයකට ආවා. පරම්පරාවේ සිරිත් විරිත් අනුව ආදිවාසීන්ගේ අවශ්‍යතාවන්ට කැලෑවට යැමට අවසර දෙන්න. ඒත් අද වෙනකොට ඒ දීපු අවසරය වලංගු වෙලා තියෙන්නේ දවල් කාලයට විතරයි. රාත්‍රියට ආදිවාසීන්ට බඩගිනි වෙන්නේ නැද්ද? රැකියාවක්‌ කරන්න බැරිද? මේක මහා විශාල ගැටළුවක්‌. මේ ගැන පෙරේදා ඉඳලම ඇමැතිවරයාට කතා කළා. ජනාධිපති ලේකුම්තුමාට කිව්වා.
ඒ අයව දැනුවත් කළා. අද වෙනකොටත් මේකට විසඳුමක්‌ දීලා නැහැ" යෑයි අවමංගල්‍ය සභාව ඇමතූ ආදිවාසී නායක ඌරුවරිගේ වන්නිලැඇත්තෝ පැවැසීය.
අවමංගල සභාව තුළදී පක්‍ෂ, විපක්‍ෂ දේශපාලන නායකයන්, ගම්වාසී හිතමිතුරෝද රැසක්‌ ගුණකථනයන් සිදු කළහ.
මෙම මරණය අහස පොළොව නුහුලන අපරාධයක්‌ බවත්, ආදිවාසීන්ට උරුම කැලයේ අයිතිය ගිනි අවි අමෝරාගෙන සිටින වන සංරක්‌ෂණ දෙපාර්තමේන්තු නිලධාරීන්ගේ අතට පත්වී ඇති බවත්, මෙහි වැරදිකරුවන්ට දැඩි දඬුවම් ලබාදිය යුතු බවත් අවමංගල උත්සවයට සහභාගිවූ ආදිවාසී පරපුරේ සාමාජිකයෝ කීප දෙනෙක්‌ම පැවසූහ.
ප්‍රදීප් ප්‍රසන්න සමරකෝන්, මහියංගණය - රංජිත් කරුණාවීර සහ දෙහිඅත්තකණ්‌ඩිය රණතුංග
http://www.divaina.com/2012/03/19/news14.html
No comments:
Post a Comment